大棠荔枝山莊


一個完全無計劃,咁啱見到的地方。

琴日天氣咁好唔去郊遊真係好浪費。見未去過十八鄉那邊, 想去看看。先去google map 做功課, 搵大棠山道,膽粗粗便出發。係九龍出發,特登唔行大欖隧道,橫樹遊車河,行遠少少無所謂, 又唔趕時間, 大概40分鐘到入到去。行3號幹線,再去屯門方向轉行9號。係12號出口 元朗出。一落highway係八鄉交滙處roundabout. 個度無路牌講去邊, roundabout 第一個出口好轉左出。出啱之後,會再有一條分支路CUT 左入大棠, 個路牌好細,所以行慢D, 打醒12分精神。

一路走會見到大棠路,一路keep 住大棠路就正確。
從大路入去小路都要5分鐘入到去。大棠荔枝山莊係最入, 中間會經過有機農場士多卑利園。由於過了大路已經係山路,地面無劃線,所以行慢少少,小心有對頭車。沿途見到一堆牛同乳牛都將特別。個度仲有個越野電單車場, 不過無仔細入去。下次再入去玩下,再報導。


檢視較大的地圖

荔枝園營業時間至下午6時,我5點先入到去。其實都OK, 因為避過哂D旅行團同Peak hours. 停車場都幾大,應該唔愁無位泊車。
荔枝園入場費$20,唔包括擇荔枝或其他活動。荔枝園地方都算大,幾多景點,例如有個餵羊同兔仔的地方, 特別的地方係你可以走埋入去,唔似其他地方要隔住個欄,所以依度Free 好多。佢地提供甘筍餵兔仔$15份,唔俾餵其他食物。

除此以外
﹣有個蝙蝠洞
﹣3 隻駝鳥 (但佢地好可憐,尾D毛無哂,好似孤兒仔,見地好心痛)
﹣野豬
﹣中華鱘
﹣四週好多植物,例如荔枝樹,芒果樹,蓮霧,大樹菠蘿等等,但完全見唔到果實。
﹣荔枝成熟的月份是6﹣8月; 士多卑利成熟的月份1﹣3月, 當我都見唔到士多卑利。
﹣燒烤場 $80位任食


Discover more from Gelan Wandering

Subscribe to get the latest posts sent to your email.

Leave a Reply

This site uses Akismet to reduce spam. Learn how your comment data is processed.

Discover more from Gelan Wandering

Subscribe now to keep reading and get access to the full archive.

Continue reading