炸鯪魚球　－　羅富記

今日下午很想吃炸鯪魚球及新鮮鵝腸，一下子便想起〔粥麵皇〕。但中午時間一定唔使諗，個條人龍長到呢．．．．
於是想起羅富記，它的炸鯪魚球一樣出名。大概一點半，好彩唔使就等有位。牛腩麵加炸鯪魚球。味道跟〔粥麵皇〕一樣，炸鯪魚球設有細份，13元有3粒。〔粥麵皇〕好似12元有4粒。更正原來是6元4粒，係羅富記的半價。比羅富記平好多不在話下，最緊要就係好食。

奇怪係叫咗唔使一兩分鐘便有得食，食落仲熱同好油身，真係失望．．．．．翻炸。〔粥麵皇〕會有生菜墊底，同埋即叫即炸，好新鮮，一點也不油膩。我覺得身為一間出名的食肆，有咁既情形出現係我最唔想見到的。求快，翻炸，俾我的感覺就係貪快，無誠意。無試過粥，唔知好唔好食。但有選擇，一定唔會返去食。又一間水準下降的老牌餐廳。